يقول العتيبي عن الحوثين:
الوضــع يبغــى لـه ثلاثيــن روقـــي
ويحـتاج من برقـــا حـدود الثلاثيـــن
يجـون فالحديــن قبل الشروقـــي
ولا يــذن المغـرب والحوثي له عيــن
ـــــــــــــــــــــــــــــــــــــــــــــــــــــــــــــ
رد عليه قحطاني :
ان كانكم ستين والعد فوقي
الوضع يبغى له عشرة قحاطين
وتشوف شي للنواظر يشوقي
ونحرر اهل اليمن واهل فلسطين
ـــــــــــــــــــــــــــــــــــــــــــــــــــــــــــــ
رد عليه المطيري :
الوضع مايبغى قحطاني وروقي
يبغى من المطران خمسة وراعين
يغزون الحوثي اللعين السلوقي
وفي دربهم تبا تحرر فلسطين
ـــــــــــــــــــــــــــــــــــــــــــــــــــــــــــــ
و رد عليهم الحربي :
الوضع مايحتاج نذل وسروقي
يحتاج ليوثن تضد المعادين
يوم المهايط بين بومة ولوقي
حرب بالفعل هم فزعة الدين
ـــــــــــــــــــــــــــــــــــــــــــــــــــــــــــــ
رد الشمري :
ارتاح يا الحربي أخبرك ذروقي
ابعد مشاوريك يجي حول مترين
دام الشجاعه جاريه بالعروقي
أصغر ولد من شمّر يسدد الدين
ـــــــــــــــــــــــــــــــــــــــــــــــــــــــــــــ
رد السبيعي :
هذي دول يامزينين الطروقي
وكل القبايل والنعم مير غادين
خلوها للغلباء ياأهل الحقوقي
انتم قبايل مير حنا سلاطين
ـــــــــــــــــــــــــــــــــــــــــــــــــــــــــــــ
رد العنزي :
ان صار بها اليوم نار وحروقي
قبل حميناها بخيل وبعارين
لو صاربه غاره من ابسط حقوقي
اقلط وانا اللي اعتلى بالميادين
ـــــــــــــــــــــــــــــــــــــــــــــــــــــــــــــ
رد الجيزاني :
مانطلب الفزعه من عتيبي وحربي
حنا هل الحرب من سـابق وهـالحين
نقضي على الحوثي وبـاقي الذيل
كلن مكـانه ولاتحسبون التكـاليف✍
ليست هناك تعليقات:
إرسال تعليق